الجمهور فرحان بهاد الأسماء… ولكن المهرجان 21 باقي صامت

مؤخرا، نتاشرو بزاف ديال الملصقات (Posters) فـالسوشيال ميديا كتروج لبرمجة النسخة الجاية، وفيها أسماء عالمية وعربية وازنة بحال شاكيرا، عمرو دياب، إليسا، وائل كفوري، تامر حسني، وأصالة. هادشي خلق حماس كبير عند الجمهور لي بارطاجا هاد اللوائح بقوة. ولكن، مصادر مطلعة كدبات هادشي جملة وتفصيلا، وأكدات بلي هاد الأخبار "لا أساس لها من الصحة" وبلي هي مجرد إشاعات وتكهنات، حيت المنظمين مزال ما علنو على حتى شي حاجة رسمية . الغريب فـالأمر هو هاد الصمت غير المسبوق على الدورة 21؛ لا تاريخ تحدد، ولا تفاصيل بانت على البرمجة، وحتى الموقع الرسمي ديال المهرجان حابس ومكيبغيش يخدم (Inaccessible)، وهادشي كيزيد يطرح فرضيات ديال التأجيل أو إعادة الهيكلة