انطلاق أشغال تزويد ملعب الحسن الثاني بالماء الصالح للشرب

فإطار مواكبة المشاريع الكبرى، بدات SRM الدار البيضاء-سطات الأشغال ديال تجهيز البنية التحتية باش يتزوّد ملعب الحسن الثاني الكبير بالماء الصالح للشرب، وهادشي متزامن مع تقدم الأشغال فهاد المشروع الرياضي الكبير اللي كيعرفو المغرب
المشروع كيتطلب استثمار كيوصل لـ166 مليون درهم، وغيشمل إنشاء خزان مائي كبير بسعة 10 آلاف متر مكعب، وبناء محطة ديال الضخ بصبيب 260 لتر فالثانية، وزيد عليها شبكة ديال القنوات اللي غتفوت 16 كيلومتر، باش يضمنو تزويد مستقر وفعال بالماء
هاد الورش كيبين الدينامية اللي كتعرفها جهة الدار البيضاء-سطات، خصوصاً فتعزيز البنية التحتية ومواكبة المشاريع الكبرى، باش تكون المنطقة واجدة للمواعيد والتظاهرات الكبيرة فالمستقبل