نظام جديد غادي يبدل السفر لأوروبا

ابتداءً من 10 أبريل 2026، غادي يدخل نظام EES حيّز التنفيذ الكامل ففضاء شنغن، وهاد الشي غادي يبدّل طريقة الدخول والخروج لأوروبا، خاصة للمغاربة ، بحيث ما غيبقاش الختم فالباسبور وتعوضو بنظام رقمي كيسجّل البيانات البيومترية بحال بصمات الأصابع وصورة الوجه، إضافة لتوقيت الدخول والخروج، وأول مرة خاص المسافر يدوز من هاد التسجيل، ومن بعد كتولي العملية أسرع فالسفرات الجاية، ولكن مهم تعرف بلي هاد النظام ما كيعوضش الفيزا، وخصك تحترم مدة الإقامة القانونية (90 يوم فـ 180 يوم)، ومع البداية ممكن يكون شوية ديال التأخير فالمطارات وزيادة فمراقبة الوثائق، وهاد الخطوة كاتجي فإطار التحول الرقمي الأوروبي اللي غادي يتعزز مستقبلاً بنظام ETIAS، اللي حالياً ما كيشملش المغاربة.