بانوراما سبورت : واش الموهبة الرياضية بوحدها كافية باش تصنع نجومية مستمرة ؟

النجاح فالرياضة اليوم ما بقاش كيتقاس غير بالأهداف والألقاب والإنجازات داخل الملعب. الصورة الشخصية، الحضور الإعلامي، التسويق الرياضي وبناء العلاقات المهنية ولاو عناصر أساسية فالمسار الاحترافي ديال أي رياضي باغي يطور مسيرتو ويحافظ على النجاح ديالو.

فهاد الحلقة من برنامج «بانوراما سبورت»، اللي كيعدّها وكيقدمها الإعلامي محمد الورضي، كنستاضفو صفاء الرويجل، المكلفة بتدبير الصورة الشخصية والعلامة المهنية والتطوير التجاري ديال اللاعبة المغربية سناء مسودي.

الحلقة كتفتح النقاش حول واحد المجال اللي ولى عندو دور متزايد فالرياضة الاحترافية، وهو Personal Branding، أو بناء وتدبير العلامة الشخصية والمهنية ديال الرياضيين.

شنو المقصود بالعلامة الشخصية فالرياضة؟ وكيفاش يمكن للرياضي المغربي يبني صورة مهنية قوية داخل وخارج الملعب؟

واش الموهبة والإنجازات الرياضية كافية باش يصنع اللاعب اسم مستمر، ولا خاصو استراتيجية للتواصل والتسويق وتدبير العلاقات؟

شنو الدور اللي كيلعبوه الخبراء والمتخصصون فتطوير الصورة الشخصية للرياضيين؟ وكيفاش يمكن تحويل الشهرة الرياضية لفرص تجارية، عقود شراكة ومشاريع مهنية مستدامة؟

وغادي نتطرقو كذلك لأهمية التكوين والمواكبة المهنية، ولدور المنصات الرقمية ووسائل الإعلام فتعزيز القيمة التسويقية للرياضيين المغاربة، خصوصاً فظل التحولات اللي كيعرفها عالم الاحتراف الرياضي.

من خلال تجربة صفاء الرويجل فمواكبة سناء مسعودي، كنحاولو نفهمو كيفاش يمكن نبنيو مسار مهني متكامل للرياضي، ماشي غير خلال سنوات المنافسة، ولكن حتى من بعدها.

حلقة كتهم الرياضيين والرياضيات، الأندية، المسيرين، وكل المهتمين بالتسويق والتواصل الرياضي.

تابعو هاد النقاش من استوديوهات لوديجي ميديا، عبر منصات L’ODJ Média وموقع جريدة العلم.

حيت الموهبة كتفتح الأبواب، ولكن التدبير الذكي للصورة المهنية هو اللي يقدر يوسع الآفاق ويخلي النجاح يستمر.