الرئيسية
الذكاء الاصطناعي ما بقاش غير فالعروض المبهرة والكلام الكبير. دابا ولى كيدخل حتى للمختبرات، خصوصاً فالبحث الطبي. شركة Anthropic علنات على شراكة كبيرة مع مؤسسة Gates باش تعاون فالأبحاث ديال أمراض مهملة، بحال شلل الأطفال، فيروس الورم الحليمي، وتسمم الحمل.
ولكن خاص الوضوح: Claude ما غاديش “يداوي” بوحدو. الدور ديالو هو يسرّع البحث، يقلب وسط آلاف الدراسات، يخرج علاقات ومعطيات، ويساعد الباحثين يلقاو مسارات جديدة للعلاج أو اللقاحات.
الفكرة زوينة، ولكن خاصها عقل بارد. الطب ما فيهش اختصارات خطيرة. خاص الأطباء، التجارب، الأخلاقيات، والرقابة. وبالنسبة للمغرب ودول الجنوب، السؤال الكبير هو: واش غادي نكونو مستهلكين لهاذ التكنولوجيا، ولا غادي نكوّنو باحثين قادرين يخدمو بها؟
