جدل جديد حول سيارات الدولة بعد رصد واحدة في عطلة عيد الفطر بالدار البيضاء

موضوع "سيارات الدولة" (لي معروفة بالبلاك الحمر ج وم) رجع للواجهة من جديد، وهاد المرة تزامنا مع عطلة عيد الفطر! بزاف ديال التساؤلات طرجات بعدما تم رصد سيارة تابعة لواحد من المجالس الجماعية كتدور فـالطريق السيار (لوطوروت) ديال مدينة الدار البيضاء، فـنهار لي هو عطلة رسمية بمناسبة العيد . هاد المشهد كيستفز المواطن المغربي، حيت كيطرح علامات استفهام كبيرة على استغلال ممتلكات الدولة والمال العام (المازوت والپياج) فـأغراض شخصية وعائلية خارج أوقات العمل الرسمية