من بودكاست لفيديو: خدمة NotebookLM كتوسع قدرات التلخيص فـ 80 لغة

NotebookLM خدام بحال مساحة ذكية كتجمع فيها المصادر ديالك: نصوص، انتيرفيو، محاضر اجتماعات، مقالات، ولا حتى تفريغ فيديو. من تما كتسول: عطيني ملخص، وجد لي مخطط، عطيني زوايا باش نكتب، ولا فسّر هاد المفهوم. قبل، أبرز حاجة كانت هو البودكاست اللي كيحوّل عشرات الصفحات لدقائق بحوار منطقي. دابا نفس الفكرة ولات مرئية: فيديو قصير مركّز كيلخّص الأفكار الرئيسية بلا ما تغرق فالتفاصيل من الأول.

خاصية “الملخص بالفيديو” كتجمع المفاهيم الأساسية، التعاريف، الأرقام المهمة، وترتبها فـ تسلسل مناسب. كيمكن ليك تحدّد فالإعدادات شنو الزاوية: واش موجه للطلبة؟ فريق برودكط؟ تسيير؟ وحتى المدة: نسخة قصيرة ولا طويلة. تقدر كذلك تكتب شنو المحاور اللي باغي التركيز عليها، والخوارزمية كتركّب الفيديو على حسب هاد التوجيه.

غوغل كتقول باللي هادشي كينقص من الوقت اللي كتضيع غير فالتصفية الأولية، باش المستخدم يركز من بعد على التفكير النقدي، الإبداع، والتحليل العميق إلا احتاج. ولكن دائما كيبقى مهم ترجع للمصادر باش تتأكّد وما تعوّلش 100% على التلخيص، حيث ممكن يطيح شي سهو ولا تعميم. التوسيع ديال اللغات (الفيديو والصوت بجوج) كيبان إستراتيجية باش NotebookLM يدخل فالروتين ديال الأساتذة، الصحافيين، الباحثين، والناس ديال التكوين.