ليليا تباعي تتوج بكأس Royal St Andrews بعد أداء مميز

النجمة المغربية "ليليا تباعي" بصمات على إنجاز رائع بعدما توجات بلقب كأس "Royal St Andrews" لي تنظم فـمنطقة بورت ألفريد. ليليا قدمات أداء أسطوري فـالنهائي، وسجلات مجموع 12.50 نقطة (7.00 + 5.50)، وهادشي خلاه تتفوق بجدارة واستحقاق على المنافسة ديالها "Zoë Steyn" لي جابت 7.50 نقطة فقط .
هاد الفوز ماشي غير كأس عادية، بل هو تأكيد قوي للمكانة ديال ليليا بين أبرز لاعبات سلسلة التحدي الإفريقية (Challenger Series WSL Africa) . وهاد الإنجاز كيمثل خطوة كبيرة ومهمة فـالمسيرة ديالها نحو المنافسات العالمية، وكيبين بلي المغرب عندو طاقات ومواهب قادرة تنافس على أعلى المستويات فـرياضة السورف .