تقرير صادم: 75% من الشركات تتجنب توظيف جيل Z

واحد "الصدمة" خرجات بيها منصة Intelligent.com فـ استطلاع رأي مع كثر من 1000 رجل أعمال وشركة. النتائج كتقول بلي 75% من الشركات ولاو كيتجنبوا يوظفوا شباب الجيل Z (خريجي 2024)، وهادشي خلى ناقوس الخطر يضرب فـ سوق الشغل العالمي والمحلي. الأسباب اللي عطاو رجال الأعمال كانت قاصحة شوية، وهادو هما النقط اللي خلاتهم ياخدوا هاد القرار: بزاف كيشوفوا بلي هاد الجيل مازال ما مستوعبش "لغة" المكاتب، الانضباط المهني، وحتى "البروتوكول" ديال التعامل وسط الشركات. وخا هما "ملوك" التكنولوجيا، ولكن فـ التواصل المباشر، النقاشات وجهاً لوجه، وحل النزاعات فـ الخدمة، كاين نقص كبير كيعيق سير العمل. التقرير كيشير بلي خريجي 2024 كيعانيوا باش يلفوا "الروتين" والضغط ديال المكاتب، وكيفضلوا الحرية الزايدة اللي كتقدر تضر الإنتاجية