150 دقيقة من الرياضة أسبوعياً قد تبقي دماغك شاباً

دراسة جديدة باستعمال التصوير بالرنين المغناطيسي كشفت أن ممارسة التمارين بانتظام ماشي غير مفيدة للجسم… حتى الدماغ كيستافد منها بشكل مباشر الدراسة دارت على 130 شخص، وقسماتهم لجوج: مجموعة دارت حوالي 150 دقيقة ديال الرياضة فالأسبوع مجموعة بقات على نفس الروتين اليومي النتيجة بعد عام: دماغ الناس اللي كيمارسو الرياضة بان “أصغر” بحوالي 0.6 سنة من عمرهم الحقيقي بينما الآخرين بان دماغهم “أكبر” بـ0.35 سنة يعني فرق يقارب عام كامل فـ “عمر الدماغ” بين الجوج مجموعات! الباحثين كيقولوا أن السبب مازال ما مفهومش كامل، ولكن ممكن يكون مرتبط بتغيرات دقيقة فبنية الدماغ، صحة الأوعية الدموية أو تقليل الالتهابات الخلاصة: غير 150 دقيقة ديال الرياضة فالسيمانة (حسب توصيات منظمة الصحة العالمية) تقدر تعاون دماغك يبقى شاب ونشيط لوقت أطول