​تسلا كتعيّن إسماعيل الزوهري على رأس الفرع المغربي فكازا

قبل ما يدخل لتسلا فـ2018، إسماعيل خدم فمجالات ديال التسيير والريكروتما والكاستومر كير. بدا فـArt Import Canada Inc بين 2007 و2015، وخدم فـSquare IT Services بين 2012 و2014، ومن بعد مشى لخدمة الزبناء فـShaw Direct ما بين 2015 و2017، ثم فـBMO Harris Bank فـ2018. فـتسلا، طلع بسرعة فالمناصب: سوبرفايزر ديال خدمة الزبناء، ثم ماناجر أسوسييه على السابورت ديال كندا والمكسيك، ومن بعد مسؤول على “الستور الفيرتويل” لكندا والشمال الغربي ديال أمريكا. فـ2023 ولا Territory Operations Leader على كندا والمكسيك والشمال الغربي ديال أمريكا، وفـ2024 ولا Regional Sales & Delivery Manager على الشرق ديال كندا، مكلف بالستراتيجيات ديال البيع والتسليم فكيبيك، أوتاوا، نيو برونزويك ونوفا سكوشا، مع تركيز كبير على الأداء التشغيلي وتجربة الزبون.

فيناير 2026، تسلا سلّماتو المسؤولية ديال الفرع المغربي. فهاد البوست ستراتيجي، غادي يراقب جميع العمليات ديال البيع والتسليم، ويبنّي معايير قوية ديال الأداء فجّ سوق كيتحوّل نحو السيارات الكهربائية. منين بدا الخدمة، عطا انطلاقة لريكروتما باش يكبّر التيم، وبغى بروفايلات قادرين يتعاملو مع فوليوم كبير ديال التسليم ويحافظو على تجربة زبون مزيانة.

فبوست دارو فـLinkedIn، الزوهري عبّر على الامتنان ديالو للمسار اللي دار فشمال أمريكا وشارك خمس دروس فـالليدرشيب اللي طبّقها: تركيز على شنو كيدير القيمة بصح، الاستعداد لعدم اليقين والتحرّك بنيّة واضحة، اتخاذ القرارات بناءً على مبادئ أساسية وفيدباك واقعي، بناء ثقافة بفريق متكامل، والقيادة بالحزم والإنسانية معاً، اللي سماها “مطرقة من حرير”. وقال حتى هو باللي المساهمة فتنمية تسلا فالمغرب كانت جزء من الرؤية الطويلة ديالو من نهار دخل للشركة.

التعيين ديالو كيجي فواحد السياق فين تسلا باغية تقوّي الحضور ديالها فشمال إفريقيا. الفرع المغربي غادي يكون مسؤول على التسويق والتسليم ديال موديلات تسلا فالسوق المحلي. وبما أن الزوهري راجع لبلادو بخبرات دولية، الهدف ديالو هو “يخدم، يسمع ويتعلّم فالمغرب، راجع للجذور”، كيف ما كتب بتواضع واحترام. بالنسبة لتسلا، هادي خطوة استراتيجية باش تسرّع النمو ديالها فالمملكة وتواكب الطلعة ديال الموبيلتي الكهربائية بمعايير خدمة وتجربة زبون رفيعة.