سلسلة المزوّدين فالمساءلة: وثائق تعريف طاحت فالتسريب عند Discord
الأحد 12 أكتوبر 2025 — Discord أعلنت على اختراق أثّر على واحد الشركة الشريكة اللي كتدير لهم الدعم التقني. فبلاغ خرج فـ 3 أكتوبر وتتحدّث من بعد، المنصة قالت باللي الهاكرز وصلو لبيانات ديال ناس تاصلو مع فرق الدعم وTrust & Safety، خصوصاً فملفات التحقق من السن.
وحسب موقع CNET، البيانات اللي تسرّبات كتشمل:
Discord قالت حتى باللي كان ابتزاز: المخترقين طلبو فدية باش ما يفرّغوش الداتا، ولكن الشركة رفضات تخلّص وقطعات فورياً الولوج ديال المزوّد الخارجي للسيستيم ديال التذاكر، وبدّات تحقيق موسّع مع السلطات.
ورغم أن Discord كتقول المتضرّرين قرابة 70 ألف، بعض الباحثين فالأمن السيبراني كيقولو باللي المهاجمين كيدّعيو سرقة 1.5 تيرابايت ديال المعطيات، فيها أكثر من جوج مليون صورة مرتبطة بملفات التحقق من السن، وهاد الشيّ نفاتو الشركة.
هاد الحادث جا فواحد السياق اللي فيه بزاف ديال الدول شدّدو القوانين ديال التحقق من السن لاستعمال المنصات الرقمية، وهاد الشي كيجرّ الشركات تجمع داتا حسّاسة بحال كارتيات التعريف، وبالتالي كيزيد الخطر إلا توقع اختراق عند شي مزوّد فالسلسلة.
CNET نصح المستخدمين بهاد الخطوات لحماية راسهم:
ردّ البال للرسائل المشبوهة ومحاولات التصيّد.
تفعيل التحقق بخطوتين 2FA.
ومن جهة أخرى، بزاف ديال المستخدمين فـ Reddit عبّرو على السخط ديالهم من البطء فالتعاطي مع طلبات التحقق من السن، وكيشوفو أن هاد التراخي كبّر من آثار التسريب.