المغرب أطلق منصة eTrade.ma، وهي فضاء رقمي B2B الهدف ديالو يربط المقاولات المغربية بالمشترين الدوليين. الفكرة مهمة، خصوصاً بالنسبة لـالمقاولات الصغيرة والمتوسطة اللي عندها منتوج، ولكن ما عندهاش دائماً visibility ولا شبكة علاقات خارجية.
المنصة كتقدر تعاون فالعرض، البحث عن زبناء، والربط مع الخدمات اللوجستيكية. ولكن التجارة الرقمية ما كتنجحش غير بالتكنولوجيا.
خاص منتوج واضح، ثمن تنافسي، صور مهنية، سرعة فالرد، لوجستيك موثوق، وقدرة على احترام الآجال. eTrade.ma تقدر تفتح الباب، ولكن التصدير الحقيقي خاصو خدمة طويلة ونَفَس.